Ministria e Punëve të Jashtme dhe e Diasporës ka një njoftim të rëndësishëm për gjithë qytetarët që kanë nevojë për vulosjen e dokumenteve të tyre me vulë apostile apo legalizuese

Departamenti për Çështje Konsullore, njofton se nga data 25 tetor 2021, qytetarët që kanë nevojë për vulosjen e dokumenteve të tyre me vulë apostile apo legalizuese, duhet të caktojnë terminin “online”.

“Për të marrë këtë shërbim, qytetarët duhet të hyjnë në: https://mpjterminet.rks-gov.net/ Pasi të keni hapur faqen e mësipërme dhe klikoni datën e caktuar, do t’ju shfaqet orari i terminëve të lira për atë ditë, ku duhet të vendosni emrin, mbiemrin dhe numrin personal. Kërkesa mund të bëhet personalisht, nga anëtari i familjes, apo personi i autorizuar nga ju”, thuhet në njoftim të MPJ-së.

Po ashtu, bëhet e ditur se dokumentet për Gjermani dhe Kanada nuk vulosen, as me vulë apostile as legalizuese./arbresh.info/